SAAB təyyarələri NATO-nun hava nəzarəti üçün yeni standart ola bilər
Stokholm, 2 iyul, AZƏRTAC
NATO 1982-ci ildən bəri xidmətdə olan AWACS uzaqmənzilli radar aşkarlama təyyarələrini İsveçin SAAB şirkətinin “GlobalEye” təyyarələri ilə əvəz etməyi planlaşdırır.
AZƏRTAC xəbər verir ki, qərar iyulun 7-8-də Ankarada keçiriləcək NATO sammitində elan edilə bilər. Nə NATO, nə də SAAB hələlik bu məlumatı şərh edib. Stokholm Fond Birjasında SAAB səhmləri 8 faizdən çox artıb.
“GlobalEye” ABŞ-nin “Boeing E-7 Wedgetail” uzaqmənzilli radar aşkarlama təyyarəsi ilə rəqabət aparır. Keçən il NATO Pentaqon satınalma proqramını yenidən nəzərdən keçirdikdən və peyklərə daha çox diqqət yetirmək qərarına gəldikdən sonra altı E-7 təyyarəsi almaq planlarından imtina edib.
İsveç və Birləşmiş Ərəb Əmirlikləri artıq “GlobalEye” sistemindən istifadə edir. May ayının sonlarında Kanada ABŞ-nin təklifindən imtina edərək SAAB ilə təxminən altı belə təyyarə almaq üçün danışıqlara başlayıb. Bundan əlavə, Fransa daha iki təyyarə almaq üçün SAAB ilə niyyət memorandumu imzalayıb.
Bölmənin digər xəbərləri
