Cüdo üzrə Azərbaycan millisi Avropa kuboku yarışlarını üç medalla başa vurub
Bakı, 1 fevral, AZƏRTAC
Bolqarıstanın paytaxtı Sofiyada cüdo üzrə Avropa kuboku yarışlarına yekun vurulub. Mötəbər turnirin sonuncu günündə Azərbaycan millisi aktivinə daha bir medal yazdırıb.
AZƏRTAC xəbər verir ki, 90 kiloqram çəki dərəcəsində çıxış edən Tural Səfquliyev rusiyalı Rüstəm Əmirmetov, hollandiyalı Miçel Verhagen və gürcüstanlı Tornike Jugeliyə qalib gələrək yarımfinala yüksəlib. Cüdoçumuz Belarus təmsilçisi İlhar Zhukauya məğlub olsa da, üçüncü yer uğrunda Hollandiya cüdoçusu Daks Beysbruk üzərində qələbə qazanaraq bürünc medal qazanıb.
Cüdo üzrə Azərbaycan milli komandası Avropa kuboku yarışlarında 1 qızıl və 2 bürünc medala sahib olub. Ölkəmizə qızıl medalı Oruc Vəlizadə (60 kq), bürünc medalları isə İlkin Babazadə (66 kq) və Tural Səfquliyev (90 kq) qazandırıblar.
Bölmənin digər xəbərləri
