CÜDOÇU QIZLARIMIZ BEYNƏLXALQ TURNİRİNMÜKAFATLARINI QAZANMIŞLAR

03.11.2005 [20:59]
Çap et
A⁺ A^-

AZƏRTAC xəbər verir ki, Tbilisidə 23 yaşına qədər qızlar arasında “Prezident Kuboku” uğrunda beynəlxalq cüdo turniri başa çatmışdır. 8 ölkədən 120 idmançının qatıldığı yarışlarda ölkəmizi baş məşqçi İbadulla Şahbanovun rəhbərliyilə iki yığma komanda təmsil etmişdir.

Cüdoçu qızlarımız komanda yarışlarında Ermənistan təmsilçilərini iki dəfə məğlub edərək gümüş və bürünc medallara sahib olmuşlar. Birinci yeri isə Gürcüstan yığması tutmuşdur.

İdmançılarımız şəxsi yarışlarda daha uğurla çıxış etmişlər. Yığma komandamızın üzvləri Əminə Abbasova (48 kq), Şəhanə Alməmmədova (57 kq) və Ramilə Yusubova qızıl medallara layiq görülərək fəxri kürsünün ən yüksək pilləsinə qalxmışlar. Daha beş idmançımız - Giləxanım Ələkbərova (48 kq), Afaq Sultanova (52 kq), Kəmalə Hüseynzadə (57 kq), Vəsilə Alməmmədova (63 kq) və Könül Süleymanova (70 kq) isə bürünc medal qazanmışlar.

Bu nəticə ilə Azərbaycan idmançıları qeyri–rəsmi komanda hesabında birinci yer tutmuşlar.