Dağıstan rəhbərinin mətbuat xidmətinin rəisi və onun sürücüsü Mahaçqalada atəşə tutularaq öldürülmüşlər
Bakı, 28 iyul (AZƏRTAC). Mahaçqalada Dağıstan rəhbərinin İnformasiya Siyasəti İdarəsinin və mətbuat xidmətinin rəisi Harun Qurbanov qətlə yetirilmişdir.
Bu barədə Dağıstan Respublikası Daxili İşlər Nazirliyindən məlumat verilmişdir.
Nazirlikdəki mənbəyin verdiyi məlumata görə, bu gün səhər Harun Qurbanovun “Toyota Kamri” markalı avtomobili Mantaşev küçəsində naməlum şəxslər tərəfindən atəşə tutulmuşdur. Avtomobildə olan Qurbanov və onun sürücüsü həlak olmuşdur.
Hadisə yerində əməliyyat-axtarış qrupu işləyir.
Cinayətkarları tapmaq üçün şəhərdə “Vulkan-3” əməliyyat planı həyata keçirilir.
Bölmənin digər xəbərləri
