DAİRƏ SEÇKİ KOMİSSİYALARI 3779 NƏFƏRİN NAMİZƏDLİYİNİ QEYDƏ ALMIŞDIR
Mərkəzi Seçki Komissiyasından AZƏRTAC-a bildirmişlər ki, bələdiyyə seçkilərinə start veriləndən iyulun 26-dək seçkilərdə iştirak etmək istəyən 4401 nəfərin namizədliyi dairə seçki komissiyalarında təsdiq edilmişdir. İmza vərəqəsi almış 4374 namizəddən 3956-ı bu vərəqələri və tələb olunan digər sənədləri dairə seçki komissiyalarına (DSK) təqdim etmişdir. DSK-lar onlardan 3779 nəfərinin namizədliyini qeydə almışdır. Namizədliyi qeydə alınanların 1633 nəfəri bitərəf, qalanları isə siyasi partiyaların nümayəndələridir.
MSK-dan onu da bildirmişlər ki, bələdiyyə seçkiləri 83 dairə üzrə 604 bələdiyyədə keçiriləcəkdir. Ümumilikdə 927 dairədə 1942 bələdiyyə üzvü seçiləcəkdir. Bu seçkilərdə 809 643 seçici iştirak edəcəkdir.
Bölmənin digər xəbərləri
