DAMA ÜZRƏ AZƏRBAYCAN ÇEMPİONATI DAVAM EDİR
Bakı, 28 yanvar (AZƏRTAC). Respublika Şahmat Mərkəzində 100 xanalı dama üzrə Azərbaycan çempionatı davam edir. Yarışda 5 tur oynanılmışdır.
8 qadın damaçısının iştirak etdiyi turnirdə Leyla Nəcəfova 8 mümkün xaldan 7 xalla 1-ci yeri tutmuşdur. 2-ci yerdə isə 6 xalla Nuridə Cəfərova qərarlaşmışdır. Arzu İsrafilova və Əzizə Rəfizadə isə 3 xalla 3-4-cü yerləri bölüşdürürlər.
15 kişi damaçısının iştirak etdiyi yarışda isə İlqar İbrahimov 8 mümkün xaldan 7 xal toplayaraq 1-ci pillədə qərarlaşmışdır. Damaçılardan Nofəl Aşumov və Elşən Zeynalov 2-3-cü yerləri tutmuşlar.
Qeyd edək ki, qadınların yarışı 2, kişilərin turniri isə 1 dairə üzrə keçirilir.
Bölmənin digər xəbərləri
