DAMA ÜZRƏ AZƏRBAYCAN ÇEMPİONATI KEÇİRİLİR
Bakı, 27 yanvar (AZƏRTAC). Respublika Şahmat Mərkəzində 100-xanalı dama üzrə Azərbaycan çempionatı keçirilir. Kişilərin yarışında 15, qadınların turnirində isə 6 damaçı iştirak edir.
4 turdan sonra qadınlar yarışında Leyla Nəcəfova 7 xalla 1-ci pillədə qərarlaşmışdır. Arzu İsrafilova 4 xalla 2-ci, Əzizə Rəfizadə isə 3 xalla 3-cü yerdədir.
Kişilərin yarışında isə İlqar İbrahimov və Nofəl Aşumov 7 xalla 1-2-ci yerləri bölüşürlər. 3-cü yerdə isə 6 xalla Elşən Zeynalovdır.
Azərbaycan Dama Federasiyasından bildirmişlər ki, çempionatda ilk yerləri tutmuş idmançılar martın 1-dən 7-dək Berlində keçiriləcək Dünya çempionatının Avropa üzrə seçmə yarışlarına vəsiqə qazanacaqlar.
Bölmənin digər xəbərləri
