DƏNİZ NƏQLİYYATINDA DAŞINMALARIN 99,6 FAİZİ XARİCİ ƏLAQƏLƏR ÜZRƏ HƏYATA KEÇİRİLMİŞDİR
AZƏRTAC xəbər verir ki, cari ilin yanvar-iyun aylarında Azərbaycanda dəniz nəqliyyatı ilə 7,1 milyon ton yük daşınmışdır ki, bu da 2005-ci ilin müvafiq dövrü ilə müqayisədə 5,4 faiz çoxdur.
Dövlət Statistika Komitəsindən bildirmişlər ki, yüklərin üçdə iki hissəsini neft məhsulları təşkil etmişdir. Daşımaların 99,6 faizi xarici əlaqələr üzrə həyata keçirilmişdir. Yük dövriyyəsi 17,7 faiz artaraq 4,2 milyard ton-kilometr olmuşdur.
Hesabat dövründə sərnişin daşınması 20,7 faiz artmışdır.
Bölmənin digər xəbərləri
