Deputatlarımız TÜRKPA-nın Gənc parlamentarilər qrupunun ilk iclasında iştirak edəcəklər
Bakı, 16 iyun, AZƏRTAC
İyunun 17-də Qazaxıstan Respublikasının paytaxtı Nur-Sultan şəhərində TÜRKPA-nın Gənc parlamentarilər qrupunun ilk iclası keçiriləcək.
Parlamentin Mətbuat və ictimaiyyətlə əlaqələr şöbəsindən AZƏRTAC-a bildirilib ki, ölkəmizi bu tədbirdə Milli Məclisin deputatları Anar Məmmədov və Əliabbas Salahzadə təmsil edəcəklər.
Tədbir “Texnologiya əsrində - uşaqlar və gənclik türklərin gələcəyidir” mövzusuna həsr olunub. Deputatlarımız müzakirəyə çıxarılan mövzu ilə bağlı öz fikirlərini bildirəcəklər.
Səfər çərçivəsində Qazaxıstan Respublikası Parlamenti Məclisinin rəsmiləri, ölkənin informasiya və sosial inkişaf naziri, Nur-Sultan şəhərinin gənc deputatları ilə görüşlər, həmçinin Qazaxıstan Milli Muzeyi, “EXPO-2017” Beynəlxalq Sərgi Mərkəzi ilə tanışlıq nəzərdə tutulub.
Səfər iyunun 19-da başa çatacaq.
Bölmənin digər xəbərləri
