DGK nümayəndələri sahibkarların təklif və rəylərini dinləyib
Bakı, 7 oktyabr, AZƏRTAC
Balakən Gömrük İdarəsinin təşkilatçılığı ilə Qəbələdə sahibkarlarla görüş keçirilib.
Dövlət Gömrük Komitəsindən (DGK) AZƏRTAC-a bildirilib ki, görüş xarici ticarət fəaliyyəti zamanı sahibkarların qarşılaşdıqları məsələlərin müzakirə olunması, təklif və rəylərinin öyrənilməsi, həmçinin gömrük sistemində həyata keçirilən təkmilləşdirilmələr, tətbiq edilən yeniliklər və layihələr barədə onların məlumatlandırılması məqsədilə təşkil olunub.
Qarşılıqlı diskussiya şəraitində keçirilən görüşdə sahibkarlara “Gömrük xidmətinin Fəaliyyət Planı” haqqında məlumat verilərək bildirilib ki, hazırda əsas strateji hədəflər vətəndaş və sahibkar məmnuniyyətinin, şəffaflığın təmin edilməsi, gömrük sistemində elektron həllər hesabına rəqəmsallığın daha da inkişafı, xidmətlərin əlçatanlığının artırılması, könüllü riayət prinsipinin formalaşdırılmasıdır. Tədbirdə gömrük orqanlarının strateji hədəflərinin icrası məqsədilə tətbiqinə başlanan layihələr barədə də məlumat verilib, sahibkarların təklif və rəyləri dinlənilib, onları maraqlandıran suallar cavablandırılıb.
Bölmənin digər xəbərləri
