DİM-in avqust ayında keçirdiyi imtahanlarda üç mindən çox şəxs iştirak edib
Bakı, 2 sentyabr, AZƏRTAC
Dövlət İmtahan Mərkəzi (DİM) tərəfindən avqust ayında göstərilmiş xidmətlərin statistikası açıqlanıb.
DİM-dən AZƏRTAC-a bildirilib ki, avqust ayında keçirilmiş imtahanlarda 3292 nəfər iştirak edib. Mərkəzin elektron xidmətlərindən istifadə sayı 841 min 820 olub. Avqust ayı ərzində 5021 vətəndaş qəbul edilib. Beynəlxalq imtahanlarda 286 nəfər iştirak edib. Elektron poçt vasitəsilə 2500-ə yaxın, sosial şəbəkələr vasitəsilə 3000-dən artıq müraciət cavablandırılıb. Çatbota daxilolma sayı 7234 olub. Abituriyent məsləhət mərkəzlərinə 7500-dən artıq müraciət daxil olub.
Bölmənin digər xəbərləri
