DİN XADİMLƏRİ İLƏ GÖRÜŞ
Ölkəmizdə dini ənənələrin müdafiəsinə və qorunmasına xüsusi əhəmiyyət verildiyini, bütün dinlərə tolerant münasibətin olduğunu bildirən H.Orucov ümummilli lider Heydər Əliyevin təşəbbüsü ilə 2001-ci ildə Dini Qurumlarla İş üzrə Dövlət Komitəsinin yaradılmasını dövlətin bu sahədə siyasətinin əyani təzahürü kimi səciyyələndirmişdir.
Bildirilmişdir ki, hazırda Azərbaycan Prezidenti İlham Əliyevin şəxsi nəzarəti ilə Təzəpir, Əjdərbəy və Bibiheybət məscidləri bərpa olunur. Heydər Əliyev Fondunun prezidenti, YUNESKO-nun xoşməramlı səfiri, Milli Məclisin deputatı Mehriban xanım Əliyevanın təşəbbüsü ilə Bakıda və digər şəhərlərdə müqəddəs ocaqlar və tarixi abidələr bərpa edilmişdir.
Azərbaycanın dini icmalarının başçıları, Elmi-Dini Şuranın sədri, AMEA-nın müxbir üzvü Vasim Məmmədəliyev, Bakı İslam Universitetinin rektoru Sabir Həsənli, akademik Bəkir Nəbiyev, deputat Yaqub Mahmudov və başqaları dini maarifləndirmənin vacibliyini bildirmiş, dövlətlə dinin münasibətlərində Komitənin rolundan danışmışlar.
