Ding Tao: Çin Azərbaycanla əməkdaşlığı daha da dərinləşdirmək niyyətindədir
Bakı, 24 yanvar, AZƏRTAC
Son illər Çin və Azərbaycan arasında ikitərəfli münasibətlər tarixin ən yüksək səviyyəsinə çatıb.
AZƏRTAC xəbər verir ki, bunu Çinin Azərbaycandakı səfirliyinin müvəqqəti işlər vəkili Ding Tao Bakıda keçirilən “Çin İli-Birlikdə” Yeni il tədbirində çıxışında deyib.
“Yeni ildə Çin tərəfi Azərbaycanla qarşılıqlı faydalı əməkdaşlığı daha da dərinləşdirmək, mədəniyyətlərarası mübadiləni gücləndirmək, insanlığın ortaq taleyi ideyasını təbliğ etmək və Çin-Azərbaycan strateji tərəfdaşlığına yeni töhfələr vermək istəyir”, - deyə diplomat əlavə edib.
2025-ci ilin Çin təqviminə görə ilan ili olduğunu diqqətə çatdıran Ding Tao deyib ki, bir çox xalqların mədəniyyətində ilan sağlamlıq və müdriklik rəmzi kimi qəbul edilir: “İnanıram ki, ilan ili bizə daha çox imkanlar və ümidlər gətirəcək”.
Bölmənin digər xəbərləri
