Dmitri Uşakov: Bakıdakı yarışda güclü batutçular mübarizə aparırdı
Bakı, 6 mart, AZƏRTAC
Yarış yüksək səviyyədə təşkil olunub. Mükafatçılar sırasında yer aldığım üçün çox sevinirəm.
AZƏRTAC xəbər verir ki, bu sözləri Bakıda təşkil olunan batut gimnastikası üzrə dünya kuboku yarışlarının qalibi rusiyalı Dmitri Uşakov deyib.
Yarışda güclü idmançıların mübarizə apardığını bildirən D.Uşakov gərgin rəqabətin şahidi olduğunu söyləyib. “Bakıda çıxışım zamanı yeni elementlərdən istifadə etdim. Çox sevindirici haldır ki, bunlar tamaşaçılar tərəfindən yüksək hərarətlə qarşılandı”, - deyə idmançı vurğulayıb.
Milli Gimnastika Arenasının beynəlxalq standartlara tam cavab verdiyini və möhtəşəm görüntüyə malik olduğunu diqqətə çatdıran Dmitri Uşakov yüksək qonaqpərvərliyə görə, hamıya öz təşəkkürünü bildirib.
Bölmənin digər xəbərləri
