Doktorantura səviyyəsinə elektron sənəd qəbulu başlayır
Bakı, 12 aprel, AZƏRTAC
Bu gün saat 12:00-dan etibarən ali təhsil pilləsinin doktorantura səviyyəsinə sənəd qəbulu prosesinə start veriləcək.
Elm və Təhsil Nazirliyindən AZƏRTAC-a bildirilib ki, sənəd qəbulu portal.edu.az üzərindən həyata keçiriləcək.
Proses mayın 16-sı saat 23:59-da yekunlaşacaq.
“Təhsil Mərkəzləşdirilmiş İnformasiya Sistemi”nə qoşulmuş ali təhsil müəssisələrinə və elmi təşkilatlara doktorantura pilləsi üzrə qəbul olmaq istəyən şəxslər portal.edu.az üzərindən “Şəxsi kabinet” vasitəsilə müraciət edə bilərlər. Sistem üzərindən müraciət üzrə cari və növbəti addımları izləmək də mümkündür. Müraciətlərinə müəssisə tərəfindən müsbət rəy verilən şəxslər xarici dil imtahanlarında iştirak edə biləcəklər.
Bölmənin digər xəbərləri
