CƏMİYYƏT
Dövlət Əmək Müfəttişliyi Xidməti beynəlxalq müsabiqədə uğur qazanıb
Bakı, 27 noyabr, AZƏRTAC
Əmək və Əhalinin Sosial Müdafiəsi Nazirliyi yanında Dövlət Əmək Müfəttişliyi Xidməti (DƏMX) ABŞ-ın aparıcı qiymətləndirmə proqramlarından olan nüfuzlu “12-ci illik Beynəlxalq 2024 Globee® Liderlik Müsabiqəsi”ndə uğur qazanıb.
Nazirliyin İctimaiyyətlə əlaqələr şöbəsindən AZƏRTAC-a verilən məlumata görə, DƏMX-nin təqdim etdiyi müsabiqə işi münsiflər heyəti tərəfindən yüksək qiymət alıb və “Gümüş Globee® Qalibi” mükafatına layiq görülüb.
Müsabiqədə Azərbaycanla yanaşı, ABŞ, Avstraliya, Almaniya, İsveç, Böyük Britaniya, Birləşmiş Ərəb Əmirlikləri, İsrail, Bolqarıstan, Rusiya, Vyetnam, Hindistan və digər ölkələrin 1700-dən çox layihəsi iştirak edib.
