Dövlət Məşğulluq Agentliyi Böyük Britaniyada mükafata layiq görülüb
Bakı, 15 aprel, AZƏRTAC
Əmək və Əhalinin Sosial Müdafiəsi Nazirliyinin tabeliyində Dövlət Məşğulluq Agentliyi Böyük Britaniyada fəaliyyət göstərən “International Elite 100 Awards” müsabiqəsində uğur əldə edib.
Nazirliyin İctimaiyyətlə əlaqələr şöbəsindən AZƏRTAC-a verilən məlumata görə, agentlik müsabiqəyə rəqəmsal layihələri ilə qatılıb və “Dövlət məşğulluq xidmətlərində ən yaxşı rəqəmsal təşəbbüslər” kateqoriyası üzrə qalib seçilib.
Müsabiqədə Avropa, Amerika, Afrika və Asiya qitələrindən, eləcə də Sakit okean hövzəsi regionundan 500-dən çox qurum təmsil olunub.
Qeyd edək ki, həmin mükafat qlobal iş dünyasında unikal yanaşmaları, innovativ layihələri və nailiyyətləri ilə fərqlənən qurumlara verilir.
Bölmənin digər xəbərləri
