DÖVLƏT MÜSTƏQİLLİYİ GÜNÜ QEYD OLUNMUŞDUR

14.10.2005 [23:21]
Çap et
A⁺ A^-

AZƏRTAC xəbər verir ki, oktyabrın 14-də ölkəmizin Dövlət Müstəqilliyi günü münasibətilə M.F.Axundov adına Azərbaycan Milli Kitabxanasında “Müstəqilliyimiz əbədidir” adlı kitab sərgisi açılmışdır. Sərgidə nümayiş etdirilən 80-ə yaxın kitab arasında ümummilli liderimiz Heydər Əliyevin “Müstəqilliyimiz əbədidir” çoxcildliyi, Ramiz Mehdiyevin “Azərbaycan: tarixi irs və müstəqillik fəlsəfəsi”, Dilarə Seyidzadənin “Azərbaycan XX əsrin əvvəllərində: müstəqilliyə aparan yollar”, AZƏRTAC-ın ulu öndərimizə həsr olunmuş “Dünyanı heyran qoyan insan” kitabları xüsusilə diqqəti çəkirdi.

Kitabxananın direktoru Kərim Tahirov və başqaları sərginin açılış mərasimində çıxış edərək, ölkəmizin dövlət müstəqilliyinin əldə olunmasını keçmiş Sovet İttifaqında gedən ictimai-siyasi proseslərin məntiqi nəticəsi kimi dəyərləndirmişlər. Bildirilmişdir ki, artıq Azərbaycanın heç bir “böyük qardaşı” yoxdur. Ölkəmiz öz müqəddəratını özü həll edir.

Natiqlər Azərbaycanın ikinci dəfə müstəqillik qazanmasında, onun qorunub saxlanmasında, möhkəmlənməsində ölkəmizin müstəqil dövlət kimi dünyaya tanıdılmasında ulu öndər Heydər Əliyevin misilsiz xidmətlərindən söz açmış, respublikamızda gedən ictimai-siyasi, iqtisadi və sosial-mədəni inkişafın beynəlxalq aləmə çatdırılmasında Milli Kitabxananın qarşısında duran vəzifələrdən danışmışlar.

DÖVLƏT MÜSTƏQİLLİYİ GÜNÜ QEYD OLUNMUŞDUR

MÜƏLLİFLƏ ƏLAQƏ

Bölmənin digər xəbərləri