İQTİSADİYYAT
Dövlət Şəhərsalma və Arxitektura Komitəsinin sədri Ağcabədidə vətəndaşlarla görüşəcək
Bakı, 10 oktyabr, AZƏRTAC
Azərbaycan Respublikası Dövlət Şəhərsalma və Arxitektura Komitəsinin sədri Anar Quliyev oktyabrın 19-da Ağcabədi, Ağdam və Laçın rayonundan olan sakinləri qəbul edəcək.
Komitədən AZƏRTAC-a verilən məlumata görə, Komitənin səlahiyyətləri çərçivəsində vətəndaşları narahat edən məsələlərin həlli məqsədilə qəbul saat 10:00-dan başlayaraq Ağcabədi şəhəri Heydər Əliyev prospekti, 217 (Heydər Əliyev Mərkəzi) ünvanında keçiriləcək.
Vətəndaşlar yazılı formada Komitənin sosial şəbəkələrdəki rəsmi səhifələri, [email protected] elektron poçt ünvanı, həmçinin www.arxkom.gov.az rəsmi internet səhifəsində müraciət formasını dolduraraq qəbula yazıla bilərlər. Bununla yanaşı, qəbul üçün (+994 12) 493 34 67; (+994 12) 595 13 50 nömrəli telefonlar (daxili nömrələr: 163, 598) vasitəsilə də şifahi formada müraciət etmək mümkündür.