Dövlət Xidməti: Təbii inhisar subyektləri ilə bağlı müraciətlərin sayı 50 faiz artıb
Bakı, 22 oktyabr, AZƏRTAC
2024-cü ilin 9 ayı ərzində təbii inhisar subyektlərinin fəaliyyətinə nəzarət tədbirləri çərçivəsində baxılmış müraciətlərin sayında ötən ilin müvafiq dövrünə nəzərən 50 faizədək artım qeydə alınıb.
Antiinhisar və İstehlak Bazarına Nəzarət Dövlət Xidmətindən AZƏRTAC-a bildirilib ki, bəhs edilən dövrdə baxılmış istehlakçı müraciətlərinin 21 faizi təmin edilib.
Dövlət Xidməti tərəfindən istehlakçıların təbii inhisar subyektləri ilə münasibətdə Rəqabət Məcəlləsində təsbit edilmiş tələblərdən irəli gələn hüquqlarının müdafiəsi istiqamətində nəzarət tədbirləri davam etdirilir.
Bölmənin digər xəbərləri
