Dövlətimizin başçısının ordu quruculuğu siyasəti bəhrəsini Vətən müharibəsində verdi – AÇIQLAMA
Bakı, 13 oktyabr, AZƏRTAC
“Ümummilli Lider Heydər Əliyevin “Mən İlham Əliyevə özüm qədər inanıram. Mənim xalqım üçün arzularım İlham Əliyev tərəfindən həyata keçiriləcək” fikirləri onun uzaqgörən siyasətinin sübutudur. Dövlətimizin başçısı Ulu Öndər Heydər Əliyev məktəbinin ən layiqli davamçısıdır”.
Bunu “Tərxis Olunmuş Hərbçilərin Gəncləri Maarifləndirmə” İctimai Birliyinin sədri Emin Həsənli AZƏRTAC-a müsahibəsində deyib. O qeyd edib ki, İlham Əliyev 2003-cü ildə hakimiyyətə gəldiyi ilk gündən dövlətin bütün sahələrini inkişaf etdirmək, dünya standartlarına uyğunlaşdırmaq üçün yenidənqurma işləri həyata keçirib. Xüsusilə, ordu quruculuğu siyasəti məhz Prezident İlham Əliyevin adı ilə bağlıdır.
İctimai Birliyin sədri Prezidentimizin qarşısına qoyduğu bütün məqsədlərə nail olduğunu bildirib: “Dövlətimizin başçısının apardığı uğurlu siyasət nəticəsində Azərbaycanın hərbi büdcəsi Ermənistanın ümumi dövlət büdcəsindən çoxdur. Ulu Öndərin uzaqgörən siyasəti Prezident İlham Əliyevdə təcəssüm edir. Ali Baş Komandan İlham Əliyev Qarabağ münaqişəsinin hərb yolu ilə həll olunacağını bilirdi. Bu səbəbdən Prezidentimiz Azərbaycanın ordu quruculuğu sahəsinə xüsusi diqqət ayırıb. Əvvəlcə hərbi hissələr müasir standartlara uyğun təmir olundu, yeni hərbi hissələrin yaradılmasına dair göstəriş verildi. Dövlətimizin başçısı bu istiqamətdə uğur qazanmaq üçün savadlı kadrların hazırlanmasının vacibliyini hər zaman vurğulayıb. Bu səbəbdən Ali Baş Komandan hərbi məktəblərin, akademiyaların buraxılış tədbirlərində şəxsən özü iştirak edərək onları ruhlandırırdı. Hərbçilərin sosial vəziyyətinin yaxşılaşdırılması üçün onların mənzillə təmin edilməsi dövlətimizin başçısının hərbçilərə göstərdiyi diqqət və qayğının ən bariz nümunəsidir.
Digər tərəfdən Ordumuzda savadlı kadrların hazırlanması üçün Türkiyə ilə birlikdə hərbi təlimlər keçirilib. Hərbçilərimizin biliklərinin artırılması məqsədilə azərbaycanlı onlar qardaş ölkədəki təlimlərə göndərilib. İki ölkənin hərbi hava qüvvələri, quru qoşunları, xüsusi təyinatlıları və digər hərbçiləri ilə birgə davamlı şəkildə təlimlər təşkil edilir. Böyük nailiyyətlər qazanan zabitlərimizin bir çoxu Türkiyədə təhsil alıb. Azərbaycan Ordusunun müasir silahlarla təmin olunması üçün yeni texnikalar, silahlar alınıb. Dövlətimizin başçısının ordu quruculuğu siyasəti öz bəhrəsini 44 günlük Vətən müharibəsində verdi. Azərbaycan Ordusunun qazandığı parlaq Zəfər Prezident İlham Əliyevin uzaqgörən siyasətinin təcəssümüdür”.
E.Həsənli Türk dünyasının iki böyük lideri Rəcəb Tayyib Ərdoğan və İlham Əliyev arasındakı qardaşlıq, dostluq münasibətləri barədə də danışıb: “Hər iki dövlət tarix boyu pis günlərində bir-birinin yanında olsa da, münasibətlər bu dərəcədə İlham Əliyevin 20 illik hakimiyyət dövründə inkişaf edib. Dövlətimizin başçısının Türkiyə, Pakistan, İsrail kimi dünya dövlətləri ilə münasibətlərini qardaşlıq səviyyəsinə yüksəltməsi Azərbaycan Respublikasının bütün sahələrdə inkişafını təmin edən məqamlardan biridir.
Dövlətimizin başçısı İlham Əliyev Azərbaycan gənclərinin savadlı, vətənpərvər yetişməsinə dər zaman xüsusi fikir verib. Bu istiqamətdə bir çox layihələr, proqramlar həyata keçirilib. Azərbaycanın bütün bölgələrində gənc nəslin fiziki hazırlığının artırılması məqsədilə olimpiya idman kompleksləri tikilib”.
İctimai Birliyin sədri qeyd edib ki, Prezidentimiz Azərbaycanın haqq işini bütün beynəlxalq platformalarda tarixi fakt və sübutlara əsaslanaraq səsləndirib. Qırx dörd günlük Vətən müharibəsi dünya hərb tarixinə öz adını qızıl hərflərlə yazdırıb. Uzun illər minalarla çirkləndirilmiş, dərin istehkamlar qazılmış, dağlıq ərazidə yerləşən Qarabağ iqtisadi regionunu qısa müddətdə işğaldan azad etmək dünya tarixində bir ilkdir. Azərbaycan Ordusu müharibədə öz peşəkarlığını və vətənpərvərliyini bütün dünyaya göstərdi və xalqımız bir yumruq kimi birləşdi. Xüsusilə Qarabağın işğaldan azad edilməsindən sonra bölgədəki terrorçu qrupların məhv edilməsi üçün başlanılan antiterror tədbirləri 24 saat ərzində terrorçuların ağır məğlubiyyəti ilə yekunlaşdı. Azərbaycan Ordusu yenə qısa müddətdə böyük uğurlar əldə etdi. Hazırda isə işğaldan azad olunan ərazilərdə bərpa və yenidənqurma işləri aparılır.
Bölmənin digər xəbərləri
