DÖVLƏTQAÇQINKOMDA GÖRÜŞ
Baş nazirin müavini, Dövlətqaçqınkomun sədri Əli Həsənovun BMT-nin Qaçqınlar üzrə Ali Komissarlığının (QAK) Azərbaycandakı nümayəndəliyinin rəhbəri Didye Leylə görüşündə bu təşkilatın vasitəsilə respublikamızda həyata keçirilən proqramların icrasından, QAK-ın Bakı ofisinin gələcək fəaliyyətindən, habelə İtaliyanın “Eni-Acip” neft şirkətinin vəsaiti ilə reallaşdırılan layihələrdən söhbət getmişdir.
Baş nazirin müavini 1992-ci ildən bəri ölkəmizdə qaçqınların və məcburi köçkünlərin problemlərinin həllində xüsusi yeri olan bu təşkilatın çoxşaxəli fəaliyyətini yüksək qiymətləndirmiş və Ermənistan-Azərbaycan, Dağlıq Qarabağ münaqişəsi hələ də aradan qaldırılmadığına görə, QAK-ın Azərbaycandakı nümayəndəliyinin fəaliyyətinin davam etdirilməsini və genişləndirilməsini məqsədəuyğun saymışdır.
Görüşdə “Eni-Acip” şirkətinin vasitəsi ilə Beyləqan rayonunda 110 ailə üçün tikilmiş 124 evin, məktəb, xəstəxana, uşaq bağçası və digər infrastrukturların yaxın zamanda keçiriləcək açılışı ilə bağlı fikir mübadiləsi aparılmışdır.
Bölmənin digər xəbərləri
