DÖVRÜMÜZÜN KİNOREJİSSORU HAQQINDA SƏNƏDLİ FİLMİN İLK NÜMAYİŞİ

25.07.2006 [10:25]
Çap et
A⁺ A^-

İyulun 31-də “Azərbaycan” kinoteatrında dövrümüzün böyük kinorejissoru, filmləri sovet kinosunun və milli kinematoqrafın “qızıl fondu”na daxil edilən Əjdər İbrahimov haqqında “Narahat adam” sənədli filminin ilk nümayişi olacaqdır.

Mədəniyyət və Turizm Nazirliyinin mətbuat katibi Zöhrə Əliyeva AZƏRTAC-a bildirmişdir ki, mərhum rejissorun xanımı Marqarita Maleyevanın ssenarisi əsasında çəkilmiş ekran əsərində Ə.İbrahimovun yaradıcılığından, onların birgə yaşadıqları xoş günlərdən və hər bir istedadlı sənətkarın həyat yolunda rast gəlinən kədərli anlardan söhbət açılır.

Film rejissor Nizami Abbasov tərəfindən (prodüser Xanlar Cəfərov) “Yaddaş” studiyasında çəkilmişdir. M.Maleyeva onun ilk nümayişinə dəvət olunmuşdur.