D.RAMSFELD: ABŞ MÜDAFİƏ NAZİRLİYİ İNFORMASİYA MÜHARİBƏSİNİ UDUZUR
Ramsfeld vurğulamışdır ki, ABŞ-ın əks-təbliğatı yetərincə səmərəli deyildir.
Pentaqonun başçısı demişdir: “Terrorçular kütlələr arasında belə bir fikri geniş yaymışlar ki, ABŞ bütün islama qarşı müharibə aparır. Bu fikrin yayılmasına Amerika əsgərlərininin İraq və Əfqanıstanda dinc sakinləri qırdıqları barədə saxta ittihamlar da təkan verir”.
Agentlik bildirir ki, Ramsfeldin saxta adlandırdığı ittihamlar müxtəlif tərəflərdən, o cümlədən də ABŞ-ın özünün məhkəmə orqanlarından irəli sürülür. Məsələn, iyunda Bağdad yaxınlığındakı Mahmudiyyə şəhərində Amerika əsgərləri bir qızın namusuna toxunduqdan sonra onu öldürmüş və meyitini yandırmışlar. Qızın ailəsinin üç üzvü də öldürülmüşdür.
Keçən ilin noyabrında İraqda baş vermiş hadisə də dünya ictimaiyyətinin hiddətinə səbəb olmuşdur. Əl-Həditi şəhərində bir amerikalı hərbçi fuqasa toxunub partlamışdır. Onun yoldaşları intiqam almaq üçün yaxın evlərdə iki adi ailənin üzvlərini – 24 adamı, o cümlədən 3 yaşlı qızı güllələmişlər.
Bundan başqa, hərbi əsirlərin ABŞ həbsxanalarında öldürülməsi halları da məlumdur. Məsələn, iyunda ABŞ-ın hərbi məhkəmə orqanları üç amerikalı əsgəri mayda üç iraqlı əsiri qəsdən öldürməkdə təqsirləndirmişdir.
Bölmənin digər xəbərləri
