Dünya çempionatı: Azərbaycan minifutbol millisi Sloveniyanı darmadağın edib
Bakı, 23 may, AZƏRTAC
Bakıda keçirilən minifutbol üzrə dünya çempionatı davam edir.
AZƏRTAC xəbər verir ki, mundialda ikinci turun görüşləri keçirilir.
A qrupunda mübarizə aparan Azərbaycan millisi Sloveniya seçməsi ilə qarşılaşıb. Milli Gimnastika Arenasında təşkil edilən matç yığmanın 4:0 hesablı qələbəsi ilə yekunlaşıb.
Qolları Elvin Əlizadə, Mirmehdi Rzayev, Xətai Bağırov və Kamran Abdullazadə vurublar.
Elşad Quliyevin baş məşqçisi olduğu yığma mayın 21-də keçirdiyi ilk matçda Bəhreynlə 1:1 hesablı heç-heçə edib.
Komanda növbəti oyununu mayın 25-də Mavritaniya seçməsinə qarşı keçirəcək.
Bölmənin digər xəbərləri
