DÜNYA ÇEMPİONATINDA AZƏRBAYCANI 10 İDMANÇI TƏMSİL EDƏCƏKDİR
Azərbaycan Milli Karate Federasiyasının mətbuat xidmətindən AZƏRTAC-a bildirmişlər ki, karate üzrə kişi və qadınlardan ibarət milli komandamız iyulun 12-də Polşanın Vrotslav şəhərində start götürəcək universitetlərarası dünya çempionatında iştirak edəcəkdir.
İki gün davam edəcək yarışda ölkəmizin idman şərəfini kişilərin mübarizəsində kumitedə İsmayıl Quliyev (60 kq), Rəşad Hüseynov (65 kq), Vüqar Cabbarlı (70 kq), Şahin Atamov (75 kq), Amal Atayev (80 kq), Səbuhi Hacıyev (80 kq-dan yuxarı), katada isə Elçin Məmmədov qoruyacaqlar.
Qadın idmançılarımızdan kumitedə Nərgiz Mehdiyeva (53 kq) və Gülnarə Musayeva (60 kq), katada Adilə Qurbanova qüvvələrini sınayacaqlar.
Bölmənin digər xəbərləri
