DÜNYANIN BÜTÜN ÖLKƏLƏRİNDƏN ŞAXTA BABAYA MƏKTUBLAR GƏLİR
120 ilə yaxındır fəaliyyət göstərən poçt idarəsinin nümayəndəsi demişdir ki, Şaxta Babanın Himmelspfortda yaşadığı güman edilir. Odur ki, hər il arzu və xahişlə dolu yüz minlərlə məktub alırıq. Yazanlar, əsasən, uşaqlardır. Lakin onların arasında yaşlılar, hətta 91 yaşlı alman qadın da var. Şaxta Baba yazışmanın sirrini heç kimə açmır. O, bütün məktubları oxuyur və onlara 16 dildə cavab yazır. Bu il Afrika dövlətləri hesabına yazışmanın coğrafiyası xeyli genişlənmişdir. Çoxları nəinki Şaxta Baba ilə məktublaşmaq, hətta onunla görüşmək də istəyir. Bu məqsədlə, xüsusilə bazar günləri, Himmelspforta xeyli adam gəlir.
Belə poçt şöbələri Almaniyanın Himmelştadt, Himmelpforten, Himmelstür və Nikolausdorf şəhərlərində də fəaliyyət göstərir. Bu şəhərlərin adları səma, mələklər və Müqəddəs Nikolausla bağlıdır.
Bölmənin digər xəbərləri
