DÜNYANIN YEDDİ MÖCÜZƏSİNƏ NAMİZƏDLƏR MƏLUMDUR
Siyahıya müxtəlif ölkələrdə əl ilə yaradılan 20 ən məşhur obyekt daxildir. Bunlar Moskva Kremli, Parisdəki Eyfel qülləsi, Böyük Çin səddi, Nyu-Yorkdakı Azadlıq heykəli, Sidneyin Opera Teatrı, Afina Akropolu, Roma Kolizeyi, Perunun Maçu-Piçu şəhəri və digər obyektlərdir. “Yeddi möcüzə” 2007-ci il yanvarın 1-nə keçən gecə elan olunacaqdır.
Onlar Yer kürəsinin bütün sakinləri arasında ümumdünya səsverməsi yolu ilə seçiləcəkdir. Səsvermə yaxın 12 ay ərzində keçiriləcəkdir. Layihəni İsveçrənin “Dünyanın yeni yeddi möcüzəsi” şirkəti gerçəkləşdirir. Şirkətin bu aksiyadan əldə edəcəyi vəsait məşhur mədəniyyət abidələrinin bərpasına yönəldiləcəkdir. Onlardan biri də Əfqanıstanın Bamyan əyalətində taliblərin dağıtdıqları Buddanın nəhəng abidəsidir.
Bölmənin digər xəbərləri
