Əcnəbilərin 30,5 faizi tikintidə çalışmaq üçün iş icazələrinə malik olub
Bakı, 21 may, AZƏRTAC
Bu ilin birinci rübünün sonuna ölkə ərazisində haqqı ödənilən əmək fəaliyyəti ilə məşğul olmaq üçün verilmiş və müddəti uzadılmış iş icazələrindən qüvvədə olanlara malik olan əcnəbilərin və vətəndaşlığı olmayan şəxslərin sayı 1300 nəfər təşkil edib.
Dövlət Statistika Komitəsindən AZƏRTAC-a bildirilib ki, onlardan 30,5 faizi tikintidə, 19,5 faizi mədənçıxarma sənayesində, 10,2 faizi emal sənayesində, 9,6 faizi turistlərin yerləşdirilməsi və ictimai iaşə, 6,8 faizi ticarət; nəqliyyat vasitələrinin təmiri, 3,4 faizi əhaliyə səhiyyə və sosial xidmətlərin göstərilməsi, 2,5 faizi təhsil və 17,5 faizi digər sahələrdə məşğul olmaq üçün iş icazələrinə malik olub.
Yanvar-mart aylarında bir işçiyə düşən orta aylıq işlənmiş iş saatlarının miqdarı 135,9 saat təşkil edib.
Bölmənin digər xəbərləri
