“Ecofriend” layihəsi çərçivəsində təlimlərə start verilib
Bakı, 12 fevral, AZƏRTAC
Azərbaycan Respublikasının Gənclər Fondunun 13-cü qrant müsabiqəsinin qalibi olan “Ecofriend” layihəsinin təqdimatı və ilk təlimi keçirilib.
AZƏRTAC xəbər verir ki, Mingəçevir Gənclər evində keçirilən təlimdə layihə rəhbəri Jalə Səfərli iştirakçılara ətraf mühitin mühafizəsinin və bu istiqamətdə maarifləndirmə və təbliğat işlərinin aparılmasının vacibliyini bildirib.
Təlimin birinci günündə iştirakçılar ətraf mühitin mühafizəsi, ictimaiyyət arasında bu mövzuda geniş maarifləndirmə işinin aparılması, ekoloji problemləri yaradan amillər və digər məsələlər ətrafında müzakirələr aparıb, qrup işləri yerinə yetiriblər. İştirakçılar ətraf mühitin mühafizəsi işinə geniş cəlb edilmələri üçün digər gəncləri də fəal olmağa səsləyiblər.
Bölmənin digər xəbərləri
