“EDAM” OYUNUNUN FACİƏLİ NƏTİCƏLƏRİ
Məktəbli qızı zorlayaraq öldürməkdə təqsirləndirilən 41 yaşlı cinayətkar 13 il ölüm kamerasında yatdıqdan sonra iki həftə öncə dar ağacından asılmışdır. Ölkənin şərqində həyata keçirilmiş edam cəzası Hindistanın mərkəzi və regional KİV-lərində geniş işıqlandırılmışdır. Edamın təfsilatı isə yeni faciələrə səbəb olmuşdur. Keçən bazar günü 14 yaşlı Prem Qayekvad ipin bir ucunu boğazına, digərini isə tavandan asılmış ventilyatora bağlayaraq təsadüfən yırğalamış, nəticədə boğulub ölmüşdür. Lakin bu, hələ sonuncu hadisə deyildir. Ötən həftə Qərbi Benqal Ştatında kiçik qardaşına qatilin edamı prosesini göstərmək istəyən 12 yaşlı qız da boğazındakı kəndirdən boğularaq tələf olmuşdur.
Bundan başqa, yenə həmin ştatda dostları ilə məhkum, həbsxana həkimi və nəzarətçidən ibarət oyun səhnəsi göstərən 10 yaşlı bir oğlan ölümdən zorla qurtulmuşdur.
Psixoloq Encali Şabria demişdir: “Uşaqlar adilik çərçivəsindən kənara çıxan hər şeyə maraq göstərirlər. Bu da təbiidir. Bir də ki, qəzetlər və telekanallar edamın icrasını bütün təfsilatı ilə göstərmiş, bu isə uşaqların edam səhnəsini təqlid etmələrinə səbəb olmuşdur.
Bölmənin digər xəbərləri
