ƏHALİNİN PUL GƏLİRLƏRİ ARTMAQDADIR
Dövlət Statistika Komitəsindən müxbirimizə bildirmişlər ki, ötən altı ayda əhalinin hər nəfərinə düşən pul gəlirlərinin məbləği keçən ilin müvafiq dövründəki göstərici ilə müqayisədə 11,2 faiz artaraq 1 milyon 360 min manat təşkil etmişdir.
Bu dövrdə bütövlükdə əhalinin pul gəlirləri ötən ilin müvafiq dövründəkinə nisbətən 12 faiz artaraq 11 trilyon 17 milyard 800 milyon manata çatmışdır.
Pul gəlirlərinin 64,9 faizi istehlak mallarının alınmasına, 13,1 faizi xidmətlərin, 3,6 faizi vergi və könüllü üzvlük haqlarının ödənilməsinə sərf edilmişdir.
Bölmənin digər xəbərləri
