Ekspert: Macarıstanın Azərbaycandakı investisiyaları enerji sektorundan kənar sahələrə də genişlənə bilər
Bakı, 30 yanvar, Tamilla Məmmədova, AZƏRTAC
Macarıstanın Azərbaycandakı investisiyalarının qeyri-enerji sahələrində genişlənməsi üçün potensial mövcuddur.
Bu fikri AZƏRTAC-da yayımlanan “Azərbaycan və dünya” proqramının növbəti buraxılışında beynəlxalq və iqtisadi inkişaf üzrə macarıstanlı ekspert Matiyaş Koxan söyləyib.
O xatırladıb ki, Azərbaycanda artıq Macarıstana məxsus ilk iri qeyri-enerji investisiya layihəsi olan “Hell” içki istehsalı zavodu həyata keçirilib və hazırda normal rejimdə fəaliyyət göstərir. Ekspertin fikrincə, bu layihə Macarıstan kapitalının iqtisadiyyatın digər sahələrinə cəlb edilməsi imkanlarını nümayiş etdirir.
Ekspert, həmçinin qeyd edib ki, son illərdə Macarıstanın xidmət şirkətləri Mərkəzi Asiya ölkələrinin, xüsusilə Qazaxıstan bazarlarında aktiv fəaliyyət göstərir. Onun qiymətləndirməsinə görə, Azərbaycan bazarı onların fəaliyyətinin genişləndirilməsi üçün, o cümlədən xidmətlər və sənaye istehsalı sahələrində perspektivli istiqamətdir.
Bölmənin digər xəbərləri
