Ekspert: Orta Dəhliz son illər ərzində heyrətamiz artım nümayiş etdirir
Bakı, 8 dekabr, Tamilla Məmmədova, AZƏRTAC
Orta Dəhliz son illər ərzində heyrətamiz artım nümayiş etdirir.
Bu barədə Qazaxıstanın nəqliyyat və logistika üzrə eksperti Dastan Ospanov AZƏRTAC-ın “Azərbaycan və dünya” proqramının növbəti buraxılışında danışıb.
“Bu dəyişikliklər praktikada real olaraq hiss olunur, biz daşımaların effektivliyinin artmasını və biznesin dəhlizə olan etibarının yüksəldiyini görürük”, – deyə ekspert vurğulayıb.
“Lakin başa düşmək lazımdır ki, 2030-cu ilə qədər Orta Dəhliz üzrə yükdaşımaların həcminin iki dəfə artacağı proqnozlaşdırılır. Bu cür iddialı göstəricilərə nail olmaq üçün bir sıra ciddi modernizasiya, o cümlədən bərənin sayının artırılması işləri aparılmalıdır”, - deyə D.Ospanov qeyd edib və bu addımların əhəmiyyətini vurğulayıb.
Ekspert əmindir ki, Azərbaycan tərəfindən maksimum səylər göstərilir. “Lakin Qazaxıstan da öz töhfəsini verməlidir, belə ki, bərələrin sayını artırmalı və öz donanmasını yaratmalıdır. Birgə səylərlə Orta Dəhlizi yeni səviyyəyə qaldırmaq üçün Azərbaycanın da sıx dəstəyi tələb olunur”, - deyə o əlavə edib.
Bölmənin digər xəbərləri
