“Əl-Bəyan” qəzeti Xocalı faciəsi ilə bağlı Birləşmiş Ərəb Əmirliklərində keçirilən mərasimdən yazır
Əbu Dabi, 25 fevral, AZƏRTAC
Birləşmiş Ərəb Əmirliklərinin rəsmi mətbu orqanı olan “Əl-Bəyan” qəzetinin “İşğal” bölməsində Xocalı soyqırımının 24-cü ildönümü ilə əlaqədar bu ölkədə keçirilmiş anım mərasimi haqqında məqalə dərc edilib. Məqalədə anım mərasiminin Azərbaycan diasporu tərəfindən təşkil edildiyi bildirilir.
Məqalədə Azərbaycanın Birləşmiş Ərəb Əmirliklərindəki səfiri Daşqın Şikarovun Xocalı soyqırımı ilə bağlı fikirlərinə geniş yer verilib. Səfir Xocalı hadisələrinin ermənilər tərəfindən Azərbaycan torpaqlarının işğal edilməsinin nəticəsi olduğunu bildirib, bu xüsusda İslam Əməkdaşlıq Təşkilatının 2015-ci ildə Küveytdə keçirilmiş toplantısı zamanı qəbul edilmiş qərarı xatırladıb.
Asya Hacızadə
AZƏRTAC-ın xüsusi müxbiri
Əbu-Dabi
Bölmənin digər xəbərləri
