Eldar Cəfərov: Missiyamız bal rəqsini Azərbaycana gətirməkdir
Bakı, 2 noyabr, Günel Alıyeva, AZƏRTAC
Bəzi insanlar bal rəqslərini idman, digərləri isə incəsənət adlandırırlar, lakin mən hesab edirəm ki, bu, idmanın ayrılmaz bir hissəsidir, lakin əsl incəsənət səviyyəsinə yüksəlmiş bir formasıdır.
Bu fikri AZƏRTAC-ın müxbiri ilə söhbətində “Azerbaijan Dance Festival 2025” çərçivəsində “Smooth & Rhythm Dance Style” (SDRS) şirkətinin həmtəsisçisi Eldar Cəfərov bildirib.
“Bizim missiyamız bal rəqsi dünyasını Azərbaycana gətirmək və eyni zamanda onun mədəniyyətini və gözəlliyini bütün planetə göstərməkdir. Azərbaycan inkişaf edir, onun mədəniyyəti, turizmi və incəsənəti sürətlə böyüyür. Əminəm ki, məhz bu kimi layihələr vasitəsilə biz salon rəqsləri üçün yeni üfüqlər açırıq və Azərbaycanın dünya rəqs ictimaiyyətinə qoşulmasına töhfə veririk”, – deyə o qeyd edib.
Onun sözlərinə görə, builki festival əvvəlkilərdən həm miqyasına, həm də məzmununa görə fərqlənir.
“Çətin dövrə baxmayaraq, biz güclərimizi birləşdirərək bu möhtəşəm tədbiri təşkil edə bildik. Onun əsas məqsədi “Smooth” istiqaməti üzrə dünya çempionatlarını keçirməkdir. Bu bizim üçün xüsusilə önəmlidir, çünki SDRS bal, Latın Amerikası, klassik və “contemporary” rəqslərinin sintezidir. Bu istiqamət mədəniyyətləri və üslubları birləşdirir və mən əminəm ki, bu, Azərbaycan üçün xoreoqrafiyanın inkişafı və yeni ilhamı mənbəyi olacaq”, – deyə şirkətin həmtəsisçisi yekunda söyləyib.
Bölmənin digər xəbərləri
