İQTİSADİYYAT
ƏLİ BAYRAMLI DRES-DƏ YARIMİLLİYƏ YEKUN VURULMUŞDUR
“Azərenerji” SC-nin mətbuat xidmətindən AZƏRTAC-a bildirmişlər ki, hazırda 1200-ə yaxın adamın işlədiyi stansiya respublikada elektrik enerjisinin təxminən 33 faizini istehsal edir. Kollektiv bu göstəricilərə əməyin düzgün təşkili, təmir işlərinin planauyğun aparılması və mövcud avadanlıqdan bacarıqla istifadə edilməsi hesabına nail olmuşdur. Nəticədə DRES cari ilin altı ayı ərzində 2704,4 milyon kilovat-saat elektrik enerjisi istehsal etmişdir ki, bu da nəzərdə tutulduğundan 109,9 milyon kilovat-saat çoxdur. Hər kilovat-saat elektrik enerjisi istehsalına 449,17 qram şərti yanacaq sərf olunmuşdur, bu isə normativdən 12,19 qram aşağıdır.
Yığıncaq iştirakçıları həllini gözləyən məsələlərdən də ətraflı söhbət açmışlar. Qeyd olunmuşdur ki, 1,3 və 4-cü blokların fasiləsiz işini təmin etmək və 7-ci blokun gücünü 145 meqavata çatdırmaq üçün kollektiv xeyli səy göstərməlidir.