ƏLİAĞA VAHİDİN XATİRƏ GECƏSİ KEÇİRİLMİŞDİR

18.02.2004 [22:53]
Çap et
A⁺ A^-

Fevralın 18-i əməkdar incəsənət xadimi, məşhur qəzəlxan Əliağa Vahidin doğum günüdür. ”Vahid” poeziya evinin təşəbbüsü ilə şairin adını daşıyan bağda, onun dərin kökləri ilə torpağı qucaqlamış ağacı xatırladan abidəsi önündə xatirə gecəsi keçirilmişdir.

Gecənin bədii hissəsi Əliağa Vahidin öz ifasında lentə yazılmış qəzəlinin səsləndirilməsi ilə başlanmışdır.

Poeziya evinin direktoru Hacı Şahin Verdiyev AZƏRTAC-ın müxbirinə bildirmişdir ki, gecədə çıxış edən natiqlər məşhur söz ustadı Əliağa Vahidin yaradıcılığının ədəbiyyat tariximizdə özünəməxsus yer tutmasından, onun əsərlərinin poetik dilinin sadəliyindən, xəlqiliyindən və ahəngdarlığı sayəsində dillər əzbəri olmasından danışmışlar.

Sonra Vahidin yaxın dostları və pərəstişkarları şair haqqında xatirələrini söyləmiş, ona həsr etdikləri şerlərini oxumuşlar.

Əliağa Vahidin oğlu Ramiz İsgəndərov atasının xatirəsinə göstərilən diqqətə görə minnətdrlığını bildirmişdir.

Axırda “Vahid” meyxana qrupunun ifasında ölməz şairin qəzəlləri və meyxanaları səslənmişdir.