ELMİ ŞURANIN İCLASI KEÇİRİLMİŞDİR
Akademiyadan AZƏRTAC-a bildirmişlər ki, akademik İsmayıl İbrahimov müzakirə olunacaq məsələlər haqqında məlumat vermişdir.
Bildirilmişdir ki, gündəlikdə duran əsas məsələ müvafiq elmi tədqiqat institutları və ali təhsil ocaqlarının 2005-ci ildə əldə etdikləri elmi nəticələrin təhlilidir.
AMEA-nın Kibernetika İnstitutunun direktoru, akademik Telman Əliyev çıxış edərək bildirmişdir ki, elmi tədqiqat institutları və ali təhsil ocaqları tərəfindən göndərilən elmi nəticələrin sayı çox olduğundan bu nəticələrə həmin qurumlarda yenidən baxılması və müəyyən meyarlara cavab verən nəticələrin seçilməsi məqsədəuyğundur.
İnformasiya Texnologiyaları İnstitutunun direktoru, texnika elmləri doktoru Rasim Əliquliyev bu sahədəki problemlərə toxunmuş, müasir şəraitdə Azərbaycan elminin idarə olunmasına dair geniş iclasın keçirilməsinin vacibliyini vurğulamışdır.
Sonda müzakirə edilən məsələ barədə təkliflər hazırlanaraq, əlaqədar elmi tədqiqat təşkilatlarına göndərilməsi qərara alınmışdır.
Bölmənin digər xəbərləri
