Elvin İsayev: Rinq ən güclüləri müəyyənləşdirir
Bakı, 2 dekabr, AZƏRTAC
Finala qədər keçirdiyim döyüşlərin hamısı mənim üçün mühüm əhəmiyyət daşıyırdı. Lakin finaldakı qarşılaşma bir qədər də məsuliyyətimi artırdı. Çünki həlledici mərhələyə ən güclü idmançılar qalırlar. Finalda rəqibim gənc olsa da, əzmkarlıqla mübarizə apardı.
Bu sözləri boks üzrə Azərbaycan çempionatında 64 kiloqram çəki dərəcəsində qalib adını qazanan Elvin İsayev AZƏRTAC-a məxsusi müsahibəsində deyib. “Yarışlara böyük səylə hazırlaşmışdım. Məşqçimin bütün tapşırıqlarına əməl edirdim ki, qalib olum. Rinq ən güclüləri müəyyənləşdirir. Ümidləri doğrultduğum üçün məmnunam”, - deyə boksçu bildirib.
Bölmənin digər xəbərləri
