ƏMLAK BAZARI İŞTİRAKÇILARI İCTİMAİ BİRLİYİ FƏALİYYƏTİNİ GENİŞLƏNDİRİR
Birlikdən AZƏRTAC-a bildirmişlər ki, qurum daşınmaz əmlak bazarında vəziyyətin öyrənilməsi, inkişaf meyillərinin müəyyənləşdirilməsi, əməliyyatların idarə olunması üzrə müntəzəm iş aparır, təkliflər hazırlayır. Bazar iştirakçılarının maarifləndirilməsi məqsədi ilə “Əmlak bazarı terminləri”, “Daşınmaz əmlak bazarı və rieltor” kitabları çap olunmuşdur. Təkrar, yeni tikililər, kirayə və icarə, torpaq, tikinti materialları bazarları ilə bağlı bülletenlər nəşr edilir, Bakı şəhərində tikilməkdə olan çoxmərtəbəli yaşayış binalarının statistikası aparılır və s.
Xatırladaq ki, Nazirlər Kabinetinin 13 aprel 2006-cı il tarixli sərəncamına əsasən, respublika əmlak bazarının kompleks öyrənilməsini nəzərdə tutan “Azərbaycan Respublikasında daşınmaz əmlak bazarı, yaranmış imkanlar və perspektivlərin öyrənilməsi” layihəsinin reallaşdırılması bu ictimai birliyə həvalə edilmişdir.
Bölmənin digər xəbərləri
