ƏR-RİYADDA TERROR AKTININ QARŞISI ALINDI
AZƏRTAC-ın müxbiri ərəb informasiya agentliklərinə istinadla xəbər verir ki, yanvarın 4-də Səudiyyə Ərəbistanının polisi ölkənin paytaxtı Ər-Riyad şəhərindəki bir özəl telefon idarəsinin binasında partlayışa hazır bomba tapmışdır. Şəhərin cənub-qərbindəki Sultan küçəsində yerləşən telefon idarəsinin yanında benzindoldurma məntəqəsi də var. Beləliklə, partlayış baş versə, onun təsiri də xeyli böyük olacaqdı. Polis öncə insanları hadisə yerindən uzaqlaşdıraraq bombanı zərərsizləşdirmişdir. Terroristlərin hədəfi olan Əl-Səudi rayonunda axtarışlar aparılmış, şəhərdə təhlükəsizlik tədbirləri gücləndirilmişdir. Xatırladaq ki, keçən ilin may və noyabr aylarında Ər-Riyad şəhərində baş verən terror aktları nəticəsində 52 nəfər həlak olmuşdur.
Bölmənin digər xəbərləri
