ƏRƏB ÖLKƏLƏRİ BMT TƏHLÜKƏSİZLİK ŞURASINI YAXIN ŞƏRQ PROBLEMİ İLƏ MƏŞĞUL OLMAĞA ÇAĞIRIRLAR
AZƏRTAC “İnterfaks” agentliynə istinadla xəbər verir ki, ərəb ölkələrinin müraciətində deyildiyi kimi, bu iclası XİN başçıları BMT Baş Məclisinin sentyabrın 19-25-də Nyu-Yorkda keçiriləcək açılışına toplaşarkən təşkil etmək olar.
Ərəb ölkələri bildirmişlər ki, beynəlxalq vasitəçilərin səylərinə baxmayaraq, Yaxın Şərq münaqişəsinin nizama salınmasında irəliləyiş yoxdur.
Xatırladaq ki, Ərəb Dövlətləri Birliyinin (ƏDB) üzvü olan ölkələrin xarici işlər nazirlərinin 78-ci növbədənkənar iclası təşkilatın Qahirədəki iqamətgahında açılmışdır. Gündəliyə BMT Təhlükəsizlik Şurasının 1701 nömrəli qətnaməsi qəbul edildikdən sonra Livanda vəziyyət, habelə biraylıq hərbi əməliyyatlardan və blokadadan sonra humanitar fəlakət ərəfəsində olan bu ölkəyə iqtisadi yardım göstərilməsi məsələləri daxil edilmişdi.
Ərəb ölkələri 1701 nömrəli qətnaməyə təmkinlə yanaşsalar da, onun yerinə yetirilməsində israrlıdırlar. ƏDB-nin Baş katibi Əmr Musa demişdir ki, bu, qaçqınların qayıtmasına və Livanın bərpasının başlanmasına kömək etməlidir.
Bölmənin digər xəbərləri
