ERMƏNİ SEPARATÇILARI AVROPADA YEGANƏ ÇİNAR MEŞƏSİNİ QIRIRLAR
Bəsitçay Dövlət qoruğu Kiçik Qafqazın cənub-qərb hissəsindədir. 117 hektar sahəsi olan qoruq 1974-cü ildə akademik Həsən Əliyevin təşəbbüsü və Azərbaycan hökumətinin qərarı ilə yaradılmışdır. Qoruqda 1500 il yaşı, gövdəsinin diametri 4 metr olan ağaclar var.
Nazirliyin mətbuat xidmətinin məlumatına görə, ermənilər ağacları kökündən çıxarır və həmin ərazidən əkin sahəsi kimi istifadə edirlər. Burada saxlanan mal-qara çinarların pöhrələri ilə qidalanaraq onları məhv edir.
Qoruğun direktoru X. İsgəndərovun fikrincə, bu faktlar ekoloji terror kimi qiymətləndirilməlidir. O, beynəlxalq konfederasiyalara bu məsələ ilə əlaqədar dəfələrlə müraciət etmişdir. Qoruğun bərpası üçün bir çox əsrlər tələb olunur. X.İsgəndərov bildirmişdir ki, dünya ictimaiyyəti erməni işğalçıların Azərbaycan təbiətini məhv etməsinə münasibətini bildirməlidir.
Bölmənin digər xəbərləri
