Ermənistanda koronavirusa yoluxanların sayı 47 minə çatır
Tbilisi, 18 sentyabr, AZƏRTAC
Ermənistanda koronavirusa yoluxma halları yenidən artıb. Son sutka ərzində ölkədə daha 239 nəfərdə koronavirus təsdiq olunub.
AZƏRTAC xəbər verir ki, bu barədə Ermənistan Səhiyyə Nazirliyinin Xəstəliklərə Nəzarət və Onların Profilaktikası Milli Mərkəzi məlumat yayıb.
Bildirilir ki, ölkədə COVID-19 virusuna yoluxanların ümumi sayı 46 min 910-a çatıb.
Pandemiya qurbanlarının sayı daha bir fakt artaraq 926-ya çatıb.
Digər səbəblərdən ölən koronavirus xəstələrinin sayı da 2 fakt artaraq 285 olub.
Hazırda ölkədə 3330 aktiv koronavirus xəstəsi var.
Xətayi Əzizov
AZƏRTAC-ın xüsusi müxbiri
Tbilisi
Bölmənin digər xəbərləri
