Ermənistandan gətirilən “Jermuk” suyunu içən Vladiqafqaz sakini ölüb
Moskva, 13 fevral, AZƏRTAC
Ermənistandan gətirilən “Jermuk” suyunu içdikdən sonra qida borusunu və mədəsini yandıran Rusiyanın Vladiqafqaz şəhərinin sakini vəfat edib.
AZƏRTAC xəbər verir ki, “Jermuk” suyundan içdikdən sonra qida borusunda və mədəsində problem yaranan Vladiqafqaz şəhərinin sakini xüsusi təyyarə ilə Moskvadakı N.V.Cklifosovski adına Elmi-Tədqiqat Təcili Yardım İnstitutuna gətirilmişdi. Hazırda yayılan məlumata görə, o, xəstəxanada vəfat edib.
Qeyd edək ki, hadisədən sonra aparılan araşdırmalar zamanı şüşəyə su əvəzinə, sirkə doldurulduğu məlum olub. Rusiya istehlakçıların hüquqlarının müdafiəsi və insan rifahı sahəsinə nəzarət üzrə federal xidməti (“Rospotrebnadzor”) Ermənistanda istehsal olunan “Jermuk” suyunun satışının dayandırılması barədə qərar qəbul edib.
Fəridə Abdullayeva
AZƏRTAC-ın xüsusi müxbiri
Moskva
Bölmənin digər xəbərləri
