Estoniyada koronavirusun yeni növünə ikinci yoluxma faktı qeydə alınıb
Tallinn, 4 mart, AZƏRTAC
Estoniyada koronavirusun yeni növünə ikinci yoluxma halı aşkar edilib. Virusa yoluxmuş şəxsdə xəstəliyin yüngül əlamətləri müşahidə olunub. AZƏRTAC xəbər verir ki, bu barədə Estoniya Səhiyyə Nazirliyi məlumat yayıb.
Bildirilib ki, virusa yoluxmuş şəxs Berqamodan (Şimali İtaliya) Riqaya, oradan isə şəxsi nəqliyyatla dünən Estoniyaya gətirilib. Xəstədə virusun yüngül əlamətləri olduğundan, o, evdə həkimlərin nəzarəti altındadır.
Səhiyyə Nazirliyi xəstənin kiminlə əlaqə qurduğunu araşdırır, onunla əlaqə saxlayır və lazımi tövsiyələrini verir.
Xatırladaq ki, ölkədə virusa yoluxan ilk xəstə Estoniyada yaşayan iranlı olub. O, vətəninə yollandıqdan sonra fevralın 27-də Riqadan avtobusla geri qayıdıb.
Asiman Əsədov
AZƏRTAC-ın xüsusi müxbiri
Tallinn
Bölmənin digər xəbərləri
