“Eurovision-2011” müsabiqəsinin qalibləri Türkiyəyə səfər edəcəklər
Bakı, 18 may (AZƏRTAC). “Eurovision-2011” müsabiqəsinin qalibləri Eldar Qasımov və Nigar Camal mayın 17-də İctimai Televiziya və Radio Yayımları Şirkətində keçirdikləri mətbuat konfransında bu yaxınlarda Türkiyəyə səfər edəcəklərini bildirmişlər.
AZƏRTAC xəbər verir ki, təmsilçilərimizin Almaniyaya gedəcəkləri də gözlənilir. Bir çox ölkələrdən dəvət aldıqlarını deyən “Eurovision” qalibləri gələcəklə bağlı bir sıra planlarının olduğunu vurğulamışlar. Nigar Camal ona filmə çəkilmək təklifi gəlsə, buna razılıq verəcəyini bildirmişdir.
Mətbuat konfransının sonunda Eldar və Nigar qalibiyyətdən sonra “Esprit Arena”da ifa etdikləri Müslüm Maqomayevin “Ey əziz anam, Azərbaycan” və ölkəmizə qalibiyyət gətirən “Running Scared” mahnılarını oxumuşlar.
Bölmənin digər xəbərləri
