Fevralda Gömrük Komitəsinin Çağrı mərkəzinə 4 mindən çox müraciət daxil olub
Bakı, 4 mart, AZƏRTAC
Dövlət Gömrük Komitəsi fevral ayı üçün “195/6” Çağrı mərkəzinə daxil olan zənglərin hesabatını hazırlayıb.
Komitənin Mətbuat və İctimaiyyətlə Əlaqələr İdarəsindən AZƏRTAC-a bildirilib ki, Çağrı mərkəzinə şəxslər tərəfindən ünvanlanan 4174 müraciət cavablandırılıb. Bu müraciətlərdən 771-i elektron xidmətlər, 407-si gömrük ödənişləri, 339-u fiziki şəxslər tərəfindən istehsal, yaxud kommersiya məqsədləri üçün nəzərdə tutulmayan mallar ilə bağlı olub. Həmçinin sərbəst dövriyyə üçün buraxılış gömrük proseduru ilə bağlı 697 müraciət, müvəqqəti idxal gömrük proseduru üçün 289, xidmətə qəbul qaydaları ilə əlaqədar olaraq 11 və digər mövzularla bağlı 1053 müraciət daxil olub.
Bölmənin digər xəbərləri
