Fəzail İbrahimli: Azərbaycan xalqı öz torpaq təəssübkeşliyini qoruyub saxlayır
Bakı, 27 dekabr, AZƏRTAC
Prezident İlham Əliyevin Qərbi Azərbaycan icmasının üzvləri ilə görüşü siyasi, mənəvi və tarixi məqamları özündə birləşdirir.
AZƏRTAC xəbər verir ki, bunu Milli Məclis sədrinin müavini, İctimai birliklər və dini qurumlar komitəsinin sədri Fəzail İbrahimli parlamentin dekabrın 27-də keçirilən plenar iclasında deyib.
F.İbrahimli vurğulayıb ki, bu görüş bir daha bütün dünya ictimaiyyətinin diqqətini Azərbaycana yönəldib.
Qərbi Azərbaycana qayıdışın yol xəritəsinin artıq hazır olduğunu diqqətə çatdıran komitə sədri vurğulayıb ki, biz paytaxtı qədim Azərbaycan şəhəri olan Ermənistana ədaləti, hüququ başa salmalıyıq.
F.İbrahimlinin sözlərinə görə, Azərbaycan xalqı öz torpaq təəssübkeşliyini qoruyub saxlayır və bundan sonra da saxlayacaq.
Bölmənin digər xəbərləri
